wia so oft - ds hoora muass harhalta

alls scho duuchel ond doch giits so viele liachtr
zwe fonklende Auga send ma vrcho ond miar händ beede reschpekt vonanand cha
om so wiitr i uffe chomm om so häller werded d`schdärna, bi äm himmel om so viil nächer
ha au a schdernschnuppa gseh – was mag des bedüüta?
därf ma sech da nämmes wönscha, odr ischt da nämmrd vo däära wält ganga?
odr hed ma miin dromm vom himmel gno?
chomm aan gipfel ond luag i`ds dal, alls duuchel ond doch so viele liachter
luag i d`schdärna, dött ischd uuswahl no viel unändlicher
suacha miin schdärn ond ha au na diinem gluaget ond ha se beede ned gfonda
alls ischd so wiit ond äs giit so viel wääg ond möglichkeita - wo chan i miina fenda?
irgendwänn muass i au wiidr wiiter, alls geid amal vorbii
hätt gäära no wiitr na dr schdärna gluaget, hätt gäära no na miinem wääg gsuacht
ond däät so gäära alls vrschdoh, wo ischd dia ziit bliiba ond wia viil ziit nemmd me sech uberhaupt no?
wia viil lüüt händ mit mir i d`schdäärna gluaget ond vom gliicha drommt wia`n i?

Geduld ist das Schwerste und Einzige, was zu lernen sich lohnt. Alle Natur, alles Wachstum, aller Friede, alles Gedeihen und Schöne in der Welt beruht auf Geduld, braucht Zeit, braucht Stille, braucht Vertrauen.

Hermann Hesse

Hüüt vor äm Jahr häänd miir önsch na boda langa Ziit wiidr troffa ond uf a mal mit ganz andara Auga gseh. Miis Lääba hed sche ganz schöö veränderet ond ischd om viiel reicher worda. Heschd ma dr Glaube a d`Liabe wiidr gää, ha ganz nüüe Blickwiichel chänna glehrt ond so viile schööne Momänt verlääba dürfa. Mir send zääma gfloga, ohne falla ond häänd beede daicht dass ma acho send. Doch irgendwäänn ischd önsche Fluugbahn nömma eis gse ond mir send gschdrandet. Häänds beede ned wölla ond doch ischt äs aso cho. Es heed viil Trääna gää ond manchal han i au Angscht dass i des alls bloos drommt ha. Was i vo dir chänn ischd bloss än Siitablick ond i hätt gäära meh vo dir ka. Au hüüt händ mir önsch wiidr troffa ond eigetle biin i wiidr dött acho, a dera Schdell wia vor äm Jaar, vor miar önsch „nüü“ chänna g`lehrt häänd ond doch ischd alls ganz andersch. I hätt gäära dääns G`fühl wiidr zruck won i mit diir verlääba ha dürfa.

Danke dass i diin Rat ned missa muass! I weiss natürle au dass du räächt heschd. Jeda Nüüafang ischd au mit viila Chanca verbonda, aber im Momänt bii i so müüd vom viila ond wiita laufa ond hianta mal frag i mii ob d`Liabe bloss a Illusion vo dr Lüüt ischd?

ho ond wiit send miir zääma gfloga
ond i ha vergässa z`landa
bi wiit uber ds ziil usse gschossa
ond dua ma so schwer biim allei uufschdoh
...
© sth

mehr Bilder gibt es im Album auf pixum.de zu sehen - hier klicken

Manchmal benehme ich mich wie ein Vollidiot. Wann habe ich endlich meine Gefühle wieder im Griff?
Das Horn muss dann oft für eine Berglauftour herhalten. Der Blick dort oben ist weit und schön. Doch es ist manchmal schwer hinter die Berge zu blicken.

Heute 53:17 auf den Gipfel gebraucht. Etwas mehr wie 3 Minuten hinter dem Rekord. Langsam aber sicher nähere ich mich wieder ordentlichen Trainingszeiten. Für die langen Strecken wartet allerdings noch sehr viel Arbeit.

gerade im Ohr: Adagio - Lara Fabian
Stimmung: weiß ich selber nicht

Blick aus meinem Wohnzimmerfenster

gerade im Ohr: Für immer - Plüsch
Stimmung: ??? ziemlich durcheinander