wia so oft - ds hoora muass harhalta

alls scho duuchel ond doch giits so viele liachtr
zwe fonklende Auga send ma vrcho ond miar händ beede reschpekt vonanand cha
om so wiitr i uffe chomm om so häller werded d`schdärna, bi äm himmel om so viil nächer
ha au a schdernschnuppa gseh – was mag des bedüüta?
därf ma sech da nämmes wönscha, odr ischt da nämmrd vo däära wält ganga?
odr hed ma miin dromm vom himmel gno?
chomm aan gipfel ond luag i`ds dal, alls duuchel ond doch so viele liachter
luag i d`schdärna, dött ischd uuswahl no viel unändlicher
suacha miin schdärn ond ha au na diinem gluaget ond ha se beede ned gfonda
alls ischd so wiit ond äs giit so viel wääg ond möglichkeita - wo chan i miina fenda?
irgendwänn muass i au wiidr wiiter, alls geid amal vorbii
hätt gäära no wiitr na dr schdärna gluaget, hätt gäära no na miinem wääg gsuacht
ond däät so gäära alls vrschdoh, wo ischd dia ziit bliiba ond wia viil ziit nemmd me sech uberhaupt no?
wia viil lüüt händ mit mir i d`schdäärna gluaget ond vom gliicha drommt wia`n i?